Llythyr Adran Tai a Gwasanaethau Cymdeithasol

Cynulliad Cenedlaethol Cymru

Y Pwyllgor Deisebau

Bae Caerdydd

Caerdydd

CF99 1NA

20/12/2018

Annwyl Mr Rowlands

DeisebP-05-832 Diwygio’r Cod Derbyn i dan ddeddf Safonau a Fframwaith Ysgolion 1998 Ysgolion ynghylch Plant a Anwyd yn ystod yr Haf.

Ar ôl derbyn eich ymholiad am fanylion polisïau derbyn lleol a’r ffordd caiff ceisiadau gan rieni i ohirio mynediad eu plentyn i ysgol llawn amser, cyfeiriaf at bolisi mynediad a llawlyfr blynyddol ‘Gwybodaeth i Rieni’ i’ch sylw.

Mae’r ddogfen yn rhoi gwybodaeth i rieni am bolisïau a threfniadau addysgol Awdurdod Lleol Môn yn unol â’r gofyn sy’n sefydlu fframwaith cyfreithiol ar gyfer derbyniadau i ysgolion. Nid yw’r Polisi yn cyfeirio’n benodol am geisiadau i ohirio mynediad, ond nodir yn glir nad yw’r gyfraith yn mynnu bod plentyn yn dechrau’r ysgol yn llawn amser tan ddechrau’r tymor yn dilyn pumed pen-blwydd y plentyn:-

CYNRADD - ym y Medi yn dilyn pen-blwydd yn 4 oed. (Y Medi yn dilyn y 4ydd pen-blwydd ydi’r oedran perthnasol hyd yn oed yn yr ysgolion cynradd sy’n derbyn plant yn rhan amser yn y mis Medi yn dilyn y 3ydd pen-blwydd).

NODER: Nid yw’r gyfraith yn mynnu bod plentyn yn dechrau’r ysgol yn llawn amser tan ddechrau’r tymor yn dilyn pumed pen-blwydd y plentyn.

Yn arferol derbynnir plant i ysgolion cynradd ym Môn unwaith y flwyddyn, yn y Medi yn dilyn eu

pen-blwydd yn 4 oed. Yr unig eithriadau i fynediad yn y Medi yn dilyn pen-blwydd yn 4 oed fydd

mewn achosion arbennig lle bydd yr Awdurdod o’r farn y byddai peidio caniatáu mynediad cynnar

yn niweidiol i ddatblygiad addysgol a/neu gymdeithasol y plentyn yng nghyd-destun gofynion Deddf

Plant1989 neu Restr Amddiffyn Plant.

Mae gan Cyngor Sir Ynys Môn Fforwm Mynediad ar gyfer ymgynghori a thrafod materion sy’n codi o’r trefniadau mynediad. Mae prifathrawon, llywodraethwyr, yr Awdurdod Lleol, asiantaethau sy’n cefnogi disgyblion ag anghenion addysgol arbennig ac awdurdodau addysg esgobaethol yn cael eu cynrychioli ar y Fforwm. Mae’r Fforwm yn datblygu consensws lleol sydd hefyd yn sicrhau fod trefniadau mynediad yn cydweddu â materion perthnasol eraill megis cynllunio lleoedd mewn ysgolion, darparu ar gyfer plant ag anghenion arbennig, newid rhifau mynediad, dalgylchoedd a.y.b.

Yn ystod y tair blynedd diwethaf daeth un cais i law i ohirio mynediad i’r ysgol a hynny oherwydd bod y plentyn wedi ei eni yn yr haf ac ym marn y rhieni nid oedd yn barod i ddechrau ysgol amser llawn oherwydd ei dyddiad geni.

Caniatawyd y cynnig ac ar hyn o bryd mae’r plentyn hwnnw yn mynychu’r ysgol rhan amser gyda’i gyfoedion o fewn blwyddyn Derbyn.

Hyderaf fod y wybodaeth uchod o fudd i chi wrth symud ymlaen gyda’r gwaith .

Yn gywir,

Gwyneth Môn Hughes

Uwch Reolwr Safonau a Chynhwysiad